يامصر

؛؛



كنت بقول
بأمل
وفرحة بالثورة
النصر خلاص على الظلم
دلوقت قلبي منتهى الحزن
وبجد
لما عرفت
كم الفساد
لماغرقت
في حجم الدمار
مش مجرد فساد
ولاكلمة دمار
تعدي
لا دي خيانة وبجد
جاسوسية فاقت كل حد
من دولة فساد
اتزرعت فيكِ يامصر
لما قهري بيقلعني
من نفسي
ويبكيني نهر
فوق نيلك
يامصر
بكا العمر



ماجدة الصاوي
بكل أسى قيد الحال


21 / 2/ 2011

يا سليمان
قولها تاني
عايز أسمعها بوداني
قولها حتى ألف مَرَّه
النهارده مصر حُرَّه
بعد تلاتين عام مَذَلَّه
في الهوان
كُنَّا ديل للأمريكان
مصر رجعت لينا تاني
بالشباب وأغلا ثوره
ثورة على ظلم العباد
والتخلف والفساد
ثوره ع القهر ال ساد
والوسايط
والرشاوي
واللي نهبوا في البلاد
رَجَّعُوا مصر لمكانها
ولْوَطَنْهَا
كل شئ للأصل عاد
القياده
والرياده
مصر بلدي أغلا دُرَّه

تسلمي يا ماجدة يا عاشقه بلدك
هذه جزء من قصيدة كتبتها بعد بيان عمر سليمان
مباشرة عندما أعلن تنحي حسني مبارك الطاغية وكنت وحيدا
في غرفتي لم أجد من احضنه واقبل تهانيه وأهنيه
انا أيضا فكنت فرحتي سيل من الدموع وأنا بقول
النهاردة مصر حره
وكتبت هذه الكلمات
اضعها هنا تقديرا لهذا الشعور الصادق
والكلمات التي نبعت من قلبك
يا بنت مصر الأصيلة
مصر كانت بتنسرق بِفُجْر بجد