عرض مشاركة واحدة
#1  
قديم 11-07-2008, 08:32 AM
ماجدة الصاوي

سَيِدَةُ الشَهدِ المُعَتْقْ

[.. أنُثَىْ الطُهرْ ..]

اَلأُسْطُوُرَةْ

ماجدة الصاوي غير متواجد حالياً
 رقم العضوية : 2
 تاريخ التسجيل : Mar 2008
 المشاركات : 8,921 [ + ]
 التقييم : 1050
بيانات اضافيه [ + ]
bb آه يادنيا آخر الزمان وحوار بيني وبين اللي كان



آه يادنيا آخر الزمان

وحوار بيني وبين اللي كان



روق نفسك يابن آدم

وطظ فيكِ يادنيا يافانية
ياللي ببلاش والناس قايمالك حساب نتاش
فالصوا ومالكيش أي حساب لا آجل ولا كاش
وعجبي ومليون عجبي عليك يابن آدم
وآآآه و برجع لورا سنين وسنين
فينك ياعم صلاح جاهين
الواقع المبدع هو فين
عم صلوحة ده أنت كنت عبقرينو
سابق عصرك
قلت اللي بيحصل من قبل الأوان
ياللا وايش يفيد يازمان
والغلب والأسية محاوطة الواد والصبية
آآآه يالوعي ايه يابن آدم الوهم ده حلو الكلام
قالي ده عشق العاشقين
ياعم عاشقين مين
ماعاد فيه عشق ده راح وغاب من سنين
ماهو بقولك راح من سنين
وزمان العشق كان
همس بقلب حقيقي متلوع مسكين
نابض بحس وحنين
واليوم بات العشق كلمة وشوية حروف متحيرين
يتوهوا ف سكة الغلبانين
ويصدقوها المتغربين
أجمل كذبة باعها بن آدم بتمن بخس مهين
كلمة بحبك وآآه بحبك صك وهم العاشقين
وآآآه ياحب وع البشر
كذبوا باسمك
لوثوا بهمسك
تاجروا بعرضك
وباعوا خيانة كل أرضك
يابن آدم
لو انت صادق مسكين
صدق نفسك عيش ولو تنتظر سنين
مسيرك لو انت قوي ومتين
تلقى قلب يعشق عشق المحرومين
ويهيم معاك بصدق
بس انت تقوى فوق غش البشر
وترجع فارس فرسان العهد القديم
ياملهمي
ف ضي صبحيه
فجرها بيشرق بعيونك يدفي صقيع قلب وحيد
يقولك كنت فين مستنيك
تعشق ولا تشرق ولا تبعد ولا تغرب
وتروي عطشي الحزين
لكن والف لكن
تاهت وعادي متعودين
نعود ونرجع هههههههه بنفس الموال القديم
ونفوق روحنا إننا بزمانا
تاهت قلوب الصادقين
وحنفضل على الحالة دي ليوم الدين




ماجدة الصاوي
7 نوفمبر 2008




رد مع اقتباس