لو تعرف قد إيه محتاجالك

من بين كل الكون ياضي العيون

شوقي ولهفتي بيعذبوني

حيرة على أنفاسك

قلبي ضايع ف بحورك وتايه

ضمني ليك

ضمني

ضم وجعي

ضم روحي

وكل قلقي

ياحنيني

ياأنا من قبل سنيني

خافتة على ناصيتك

ياأمان رحلة العمر الحزين

كفكف دمعي

هدهد روعي

دلني على دليل الطريق

أسمعك ….

أمان ياشمسي

اللي بتشرق على ظلمة عمري

توسع لي في الكون ده مكان

تقوللي حياتي خلاص آن الأوان

تنسي جرحك وكل اللي كان

وتتربعي على قلبي

اللي مشتاقلك من زمان

ياهوى الروح

غرقني فيك

ولاترجعنيش

عايزاك

دوقني عسل عينيك

حبيبي

وشوق الحنين

ما بقيت ع الصبر قادرة

مالك

قوللي انت فين

طمن قلبي الملتاعة دقاته عليك

ياكل الناس يانبض الأنا في الروح

إنت وبس

وبس انت

إنت خلجاتي

آآآآهـ ياصحرائي من غيرك

اللي اتوحشت بيا

وافترست كل اللي فيا

همسك

ليا لوحدي حياة

وأنا دلوقت مشردة لعمرك

ياعمر الأنا ونور أكواني

بحبك ياأنا

بحبك وآآآآهـ ياني

محتاجالك يااااااااااضاياءاتي

محتاجالك

قيد الحال

ماجدة الصاوي

14 / 7 / 2010

Popularity: 15% [?]